Претседателот на Меѓународниот олимписки комитет (ИОК) Томас Бах ја отфрли секоја шпекулација дека исклучувањето на Русија од Зимските олимписки игри 2018 има политички контекст.
– Политичките лидери низ целиот свет и нашите спонзори разбираат добро дека ИОК е неутрална организација. Ние не би дозволиле да бидеме под влијание на политиката, кога донесуваме одлуки во врска со спортот. За нас неутралноста е од клучно значење, изјави Бах.
ЗОИ 2018 ќе се одржат во Пјонгчан, Јужна Кореја од 5 до 25 февруари без присуство на руското знаме. Спортисти од Русија ќе можат да се натпреваруваат под олимпиското знаме.
Одлуката за суспендирање на Рускиот олимписки комитет е поради користење допинг на Игрите во Сочи во 2014 година.