За одлуката на судот за Новак Ѓоковиќ се огласи и австралискиот премиер Скот Морисон кој вели дека го поздравува решението донесено во насока на заштита на јавниот интерес.
„ Како што реков и претходно, Австралиците направија многу жртви за време на пандемијата и со право очекуваат резултатот од тие жртвувања да биде заштитен. Силните граници се темел на австралискиот начин на живот како и на владеењето на правото. Му благодарам на судот за брзината во делувањето како и на трпението на сите инволвирани во периодот додека го решававме овој проблем. Сега е време да продолжиме со Австралија Опен и да се вратиме во уживањето во тенисот“ порача Морисон.