Тренерот на Атлетико Мадрид Талант Душебаев победата и освојувањето на трофејот од неофицијалното светско клупско ракометно првенство ги посвети на таткото на Кире Лазаров кој почина ноќта пред одигрувањето на вчерашното финале против европскиот првак Кил.
Лазаров иако под голем психолошки притисок сепак одлучи да настапи на овој дуел и со четири голови придонесе во победата на Атлетико од 28:23.Трагична вест за смртта на таткото на Лазаров сите не погоди во клубот и ние му изразуваме сочувство нему и на неговото семејство. Освоениот трофеј го посветуваме на таткото на Лазаров, истакна Душебаев.