Агенцијата за млади и спорт упати честитки до ракометниот клуб Металург за остварувањето во Лигата на шампионите, посебно по прикажаната игра на натпреварот против екипата на „Силкеборг“.
– Носителите на успесите, ракометарите на ракометниот клуб Металург, ја заслужуваат честа да бидат оние кои на најмладите генерации спортисти од нашата земја, оние кои на европските и светски спортски борилишта треба да го бранат македонскиот дигнитет, како што тоа го чинат споменатите македонски претставници на споменатиот клуб, да им го пренесат чувството на значајноста и вредноста на спортскиот пиедестал во насока на афирмација на својата земја, што за нив треба да претставува мотив сам по себе, се вели во честитката.
Од АМС упатуваат честитки и до стручниот тим за придонесот што го дава во остварувањето на овој успех.