Ракометарите и стручниот штаб на Еурофарм Рабитник очекуваат да продолжи победничката серија на клубот.
Во пресрет на натпреварот со Татран Прешов кој в недела ќе се игра во Битола, тренерoт Стевче Алушовски посочи дека во групата од лигата на шампионите каде тие се натпреваруваат нема слаби противници, но Татран Прешов ќе биде совладан.
-Словачкиот првак има богато меѓународно искуство, тим со многу интернационалци. Мислам дека посвежо го очекуваме неделниот дуел, ќе приредиме убава ракометна претстава и ќе победиме, изјави Алушовски.
Според најдобриот стрелец во Еурофарм Работник, голгетерот Владислав Остроушко, противникот не смее да се потцени.
-Со поддршка од публиката и наше залагање, успехот нема да изостане, рече украинскиот интернационалец Остроушко.
Натпреварот од 5. коло во ракометната Лига на шампионите меѓу Еурофарм Работник и Татран Прешов почнува во 17 часот.