Шпанскиот возач Фернандо Алонсо од Ферари е победник на третата годинашна трка од шампионатот во Формула 1, која претпладнево се возеше во близина на Шангај.
Времето на Алонсо на трката за Големата награда на Кина беше 1:36,27.
На подиумот се искачија и второпласираниот Кими Раикон од Лотус кој заостана 10 секунди зад победникот, како и третопласираниот Луис Хамилтон од Мерцедес кој беше 12 секунди поспор од Алонсо.
Бодови во Шангај уште освоија возачите пласирани од четвртото до десеттото место: Фетел, Батон, Маса, Рикардо, Ди Реста, Грожан и Хилкенберг.
За Шпанецот ова беше прва победа во новата сезона или вкупно 31.ва во неговата кариера.
Во Генералниот пласман води Себастијан Фетел со 52 бодови, пред Раиконен со 49 и Алонсо со 43.
Следната трка од Ф1 ќе се вози следната недела за Големата награда на Бахреин, на патеката „Шахир“.