Карлос Алкараз планира брзо да го заборави горчливиот пораз во финалето на олимпискиот турнир.
Шпанецот беше поразен од Новак Ѓоковиќ во два тај-брејка, 7:6 (3), 7:6 (2), но веќе оваа недела сака да се врати на победничките патеки.
Заедно со Јаник Синер ќе биде ѕвезда на Мастерсот во Синсинати каде е втор носител.
По пристигнувањето во Охајо, Шпанецот беше запрашан дали е подготвен да направи нова тетоважа, во знак на освоеното сребро на Олимписките игри.
На тоа краток и подготвен одговор имаше тенисерот од Мурсија.
“Не, затоа што не го освоив златото! Да успеев да го освојам, ќе се истетовирав. Медалот сега е дома. Во мојата дневна соба е покрај трофеите од Вимблдон и Ролан Гарос. “, одговори Алкараз.
Инаку, Шпанецот има можност да го престигне Новак Ѓоковиќ на второто место на АТП-листата, откако златниот олимписки медал не игра во Синсинати.
Алкараз во првото коло е слободен, а во второто се среќава со победникот од мечот меѓу шампионот на Монтреал, Алексеј Попирин и искусниот Французин Гаел Монфис.