Марк Маркез и понатаму доминира во МотоГП, овојпат беше најбрз на трката за ГН на Холандија што традиционално се вози во Асен.
Поради врнежните на дожд, стартот на 8. трка од шампионатот беше за кратко одложен, а и во текот на целата трка дождот почнуваше и прекинуваше да паѓа.
Но, ниту тоа не му попречи на Маркез, кој со својата Хонда стигна до нова победа и го изедначи рекордот на големиот Џакомо Агостини поствен во 1971 година, кога Италијанецот исто така ја отвори сезоната со осум победи во низа.
Италијанецот Андреа Довизиосо го освои второто место со повеќе од шест секунди заостанување, а трет беше клупскиот колега на Маркез, Дани Педроса.
Со оваа победа Маркез само дополнително ја зголеми предноста во генералниот поредок во однос на Валентино Роси и Педроса, па само прашање на време е кога ќе ја обезбеди втората титула.