Се врати Рафаел Надал! Шпанецот ја освои третата титула откако се врати на теренот, но трофејот во Индијан Велс, е највреден досега, а покрај тоа се игра на бетон.
Надал во финалето го победи Хуан Мартин дел Потро со 4:6, 6:3, 6:4 по два и пол часа игра.
За Шпанецот ова е 53-та титула во кариерата и рекордна 22. на Мастерс сериите (Федерер има 21).
Иако имаше сет и брејк заостанување, Надал покажа квалитетен тенис и беше на нивото на оној Надал пред повредите.
Вкупно, на крајот Надал имаше 33 директни поени и 27 грешки, а Дел Потро имаше 28 винери и 38 неизнудени грешки.