Приврзаници на ултрадесничарската грчка партија „Златна зора“, нападнаа полициско возило во близина на Атина.
Во возилото бил 20 годишен Пакистанец обвинет за обид за убиство на 15-годишно девојче од Грција.
Напаѓачите упаднале на траектот откако тој се вкотвил во пристаниште во близина на Атина и набрзо се судриле со полицијата откако возилото со осомничениот пакистанец го напуштил фериботот.
Пакистанецот се соочува со обвинение за напад врз 15-годишното девојче минатиот месец на островот Парос и нанесување повреди по главата, опасни по живот.