Поројните дождови што последниве денови го зафатија европскиот дел на Турција доведоа до зголемување на нивоата на водите во реките Марица, Тунџа и Арда, соопшти раководителот на Региоанлната дирекција за води во градот Едрене, Јунус Алтан.
Според него, водстојот на Марица во последниве 24 часа бил двојно зголемен, но засега нема опасност од нејзино излевање од коритото.
Алстан нагласи дека вчера измерениот проток на Марица бил 452 метри во секунда, додека критичното ниво за излевање изнесува 700 метри во секунда.
Протокот, пак, на Арда вчера во еден момент достигнал 214 метри во секунда, но подоцна се стабилизирал на 200 метри, што е под нивото за опсаност од поплави.