Застрашувачки снимки и денеска доаѓаат од Обреновац, каде што војската и полицијата евакуираат граѓани кои зад себе оставаат се што поседуваат, за да побегнат од водата која што се зголемува.
Од утрово во воздух се шест хеликоптери на српската војска, со помош на кои досега се евакуирани 824 лица од Обреновац.
Како што пренесуваат српските медиуми граѓани се јавуваат во нивните редакции и бараат помош, а се претпоставува дека голем број од нив се заробени во своите домови. Последните информации велат дека пукнала браната во Барич, каде што е во тек итна евакуација на населението.
Е.Г.