Во голема акција на припадници на Управата за криминалистичка полиција, која се спроведува по наредба на Вишото јавно обвинителство во Белград на територијата на главниот град на Србија, запленети се еден тон и 958 килограми марихуана! Уличната вредност на конфискуваната дрога се проценува на речиси 20 милиони евра! За време на претресот, пронајдена е дрога спакувана во црни кеси.
Поради запленувањето на рекордна количина дрога, уапсени се неколку лица под сомнение за производство и продажба на дрога.
– Ова е најголемата историска заплена на дрога во Белград. Досега, таква количина никогаш не е пронајдена – објави српски „Курир“.
Според соговорник на медиумот, претресите на неколку локации сè уште се во тек.
– Пронајдена е голема количина, иако на почетокот се сметаше дека е запленета околу 1,5 тони од оваа дрога, кога сè беше измерено, се покажа дека е неверојатно, речиси две тони – додава соговорникот.