Состојбите во земјите од Западен Балкан ќе биде една од темите на состанокот на министрите за надворешни работи на земјите членки на ЕУ, закажан за в понеделник.
Предвидено е на состанокот свое обраќање да има високата претставничка на ЕУ за надворешна политика и безбедност Федерика Могерина, која ќе ги информира министрите за резултатите од нејзината овонеделна турнеја низ земјите од Западен Балкан.
Се очекува министрите да усвојат заклучоци, кои ќе бидат основа за извештајот за Западен Балкан што треба да биде донесен на Самитот на ЕУ превиден за 9 и 10 март во Брисел.
Во соопштението на Советот на ЕУ во пресрет на министерскиот состанок се наведува дека „Западен Балкан има јасна европска перспектива, која е основа за стабилноста, помирувањето и иднината на регионот“.
– Се очекува министрите да го потврдат ангажманот и фокусот на ЕУ кога е во прашање регионот, вклучувјаќи го и одржувањето на политичките и економксите врски со него. Од тој аспект од клучно значење е и развојот на регионалната соработка и добрососедските односи, се додава во соопштението.
Според извори во Брисел, се очекува во заклучоците од министерската средба да се нагласи неопходноста од проодлжување на реформските процеси во регионот со цел да се обезбеди „непречено напредување на партнерите од Западен Балкна на еврропскиот пат“.