Генералниот секретар на ОН Бан Ки-мун го именуваше за нов шеф на Мисијата на ОН за привремена администрација на Косово Захир Танин, претставник на Авганистан во ОН, пренесува Танјуг.
Танин на должноста ќе стапи на 31 август, каде ќе го замени досегашниот шеф на УНМИК Фарид Зариф, јавуваат косовските медиуми.
Освен што на неколку седници на ОН бил на местото заменик претседател на Генералното собрание на ОН, Танин има работено и како продуцент и уредник на Би-Би-Си радио, но и како истражувач за меѓународни односи на економски и политички науки на Универзитетот во Лондон.
Новиот шеф на УНМИК дипломирал на Медицинскиот факултет во Кабул. Тој е роден 1956 година.