Ноќеска на автопатот „Тракија“ во Бугарија во сообраќајка загина едно младо момче, кое претходно украло полициски автомобил “опел“ и со голема брзина возело по автопатот.
Околу 2:40 часот полицијата добила повик од човек кој побарал помош. Човекот објаснил дека патувал со својот автомобил заедно со дваесет и двегодишниот син. Синот, како што објаснил таткото, бил со психички проблеми, и во еден момент реагирал бурно и го принудил да застане сред магистралата.
Момчето, откако излегло од автомобилот, тргнало пеш, по што полицијата го пронашла, но додека полицајците биле невнимателни тоа влегло во полицискиот “опел“ и побегнало.
По неколку минути возејќи во погрешна насока, момчето со полицискиот автомобил удрило во друг автомобил.