Српскиот вицепремиер и министер за надворешни работи Ивица Дачиќ денеска соопшти дека во странство се собрани над 650.000 евра и 85.000 долари помош за настраданите од поплавите во Србија, а акцијата за собирање помош продолжува.
Парите се уплатени на специјални сметки, отворени од амбасадите и конзулатите на Србија во странство или се обезбедени преку донатори.
Собрана е и значајна помош во стоки и производи, кои се испраќаат во Србија преку нејзините дипломатски претставништва низ светот.