Претседателот на Република Српска – Милорад Додик денеска во врска со пресудата со која на лидерката на француското Народно собрание, Марин Ле Пен, и е забрането да извршува јавна функција пет години, изјави дека остро ја осудува злоупотребата на судството за справување со политичките противници.
Додик на платформата Х напиша дека верува во силата на Марин Ле Пен и нејзината евентуална победа.
„Ја поддржувам нејзината посветеност за зајакнување на суверенитетот на народите и државите.
Го поддржувам нејзиното застапување за заштита на традиционалните христијански и семејни вредности. Ја поддржувам затоа што припаѓа на лидери кои ја црпат својата сила од поддршката на народот. Го поддржувам нејзиниот отпор кон глобализмот“, напиша Додик.
Осудата на Марин Ле Пен на четиригодишна затворска казна, од кои две години се условни, како и парична казна од 100.000 евра за проневера на јавни средства предизвикаа реакции кај француските и европските политичари, а одлуката на судот особено ја осудија десничарите кои ја сметаат за политичка пресуда.
Пресудата, исто така, и забранува на Ле Пен да учествува на изборите, што автоматски значи дека и е забрането да се кандидира за францускиот претседател во 2027 година, дури и ако поднесе жалба.