Потпретседателот на владата на Србија и министер за одбрана, Александар Вучиќ во Лондон разговараше со членовите на Одборот за ЕУ, на Горниот дом на парламентот, за подготовка и приближување на Србија, во Европската унија.
Србија постигна напредок во преговорите со Приштина, реформите во правосудството, борбата против корупцијата и криминалот. Никој не може да ја негира нашата добра политичка волја, да го исполниме тоа што го ветивме – изјави Вучиќ.
Претставувајќи го Одборот на ЕУ, Лорд Босвел оцени дека Србија навистина постигнала напредок, што потврдува и извештајот од Брисел.
Одборот на Домот на лордовите за ЕУ е формиран во 1974 година, година дена откако Британија се приклучи во Унијата. Членовите на одборот ги разгледуваат предлозите на европските процеси.
Елена Георгиевска