Србија во преговорите со Косово е подготвена за компромисно решение, но не и да биде уништена, изјави потпретседателот на владата на Србија, Александар Вучиќ и додаде дека решавањето на случајот со Косово нема да биде идеална вест за граѓаните на Србија.
-Ние сме подготвени да разговараме, но имаме устав на нашите држави и она што морам да кажам е дека денес што и да направите нема да биде добро. Сами си дозволивме ситуација да немаме за што да се радуваме во врска со Косово. Секако нема да бидат идеални вести. Луѓето на Србија тоа мора да го знаат, нема да ги лажам, ова го зборувам петти пат – изјави Вучиќ.
На прашањето дали тоа значи дека ќе има тешки компромиси или Србија мора да се откаже од нешто, тој рече дека одговара неодредено затоа што се уште се водат разговорите за заедниците на српските општини.
Елена Георгиевска