Претседателот на Србија, Александар Вучиќ изјави дека денеска со почит се слушал гласот на Србија на самитот Украина-Југоисточна Европа во Тирана и дека со претседателот на Украина Володимир Зеленски досега имал најотворен разговор.
„Ми се чини дека овде со почит се слушаше гласот на Србија, можеше да се слушне од водителот, но и од многу други, па дури и од претседателот Зеленски, кој кога зборуваше покажа почит кон Србија, но и за времетраењето на нашата билатерална средба“, изјави Вучиќ за РТС.
Тој истакна дека со Зеленски досега имал најотворен разговор за сите важни теми.
„Сега двете земји се на европскиот пат. Разговаравме за територијалниот интегритет на двете земји, почитувањето на Повелбата на Обединетите нации. Разговаравме и за други важни теми, иницијативи за мир и како да се постигне мир“, рече Вучиќ.