Претседателот на Србија, Александар Вучиќ, денес во Давос изјави дека од говорот на претседателката на Европската комисија, Урсула фон дер Лајен, на Светскиот економски форум слушна дека „политичкиот развод“ меѓу Америка и ЕУ е траен и дека Србија мора да донесува одлуки, бидејќи треба да го реши прашањето за царините со американската страна, а со Европејците да ја развива енергетиката.
Тој рече дека Србија мора да го зачува мирот и брзорастечката економија, и дека владата почнала да прави план за Србија до 2035 година и ќе се обиде јавно да го претстави тој нов план до март.
Вучиќ рече дека верува оти наскоро ќе добие покана да ја посети Кина, дека Србија многу работи со Американците и „секако“ со Европејците.
„Мора да бидеме мудри, да се скриеме под камен, да чекаме дождот да помине“, рече Вучиќ.
Претседателот на Србија истакна дека сè уште пред Србија има период во кој треба да се разгледа како ќе се справи со Европа и како ќе се справи со Америка.
„Многу, многу проблеми. Светот оди во луда насока, но мора да го зачуваме мирот и економијата“, рече Вучиќ, нагласувајќи дека на јавноста треба да ѝ се каже во која насока се движат работите.