Премиерот на Србија, Александар Вучиќ ќе предложи на претстојната конференција за Западен Балкан во Виена заеднички ден на сеќавање за жртвите од судирите на просторот на поранешна Југославија.
На прес конференција тој рече дека на 27 август во Виена ќе им предложи на лидерите од државите што учествувале во судири на простор на поранешна Југославија да се изнајде заеднички ден на сеќавање на сите жртви “кои не би биле разликувани по национална припадност“.
Според него, секој би можел да покаже еднакво почитување кон жртвите и сите би знаеле дека жртви имало на сите страни.