Претседателот на Србија, Александар Вучиќ денеска, по серијата средби со европските претставници во Брисел, изјави дека Србија, во согласност со својата политика, јасно кажала дека сака да ги спроведе сите договори што беа потпишани, од Основниот договор од 2013 година до договорите кои подоцна беа постигнати во Брисел и Охрид, како и дека Србија не може да ја прифати независноста на Косово.
„Ние секогаш нагласувавме само една работа, која секогаш се повторуваше, а тоа е дека Србија не може да прифати членство на Косово во ОН или независност на Косово и на тие позиции кажавме дека сме подготвени да исполниме се што е договорено“, рече Вучиќ.