Претседателот на Србија, Александар Вучиќ, денес изјави дека целосно го поддржува предлогот на лидерот на Демократската партија да се покрене истрага за тоа како функционери купувале вили во странство и повтори дека тој не поседува ништо надвор од Србија.
Кога беше замолен да коментира за фактот дека лидерот на Демократската партија рекол дека треба да се покрене некаков вид истрага, тврдејќи дека куќи се купени во Трст, Грција, Франција, Шпанија, Вучиќ, гостувајќи во Пинк, рече дека тоа е исклучителна идеја на лидерот на некогаш респектабилна партија и дека тој целосно ја поддржува.
– Мислам дека е ужасно важно да се види тоа. Бидејќи кој и да бил на јавна функција и кој некако можел да стекне богатство за вили во Шпанија, Португалија, Грција, Италија, било каде, можел да ги има. Можеби го заработил на некоја друга работа, но добро е тој да им каже на луѓето, бидејќи мислам дека е фер луѓето да го знаат тоа – истакна Вучиќ.
Тој додаде дека нема проблем со тоа и дека нема ниту куќа ниту стан каде било, ништо надвор од Србија, како и дека неговиот татко ја обновил најмалата семејна куќа во Чипуљиќ кај Бугојно – единствената од осумте или деветте куќи на семејството Вучиќ што биле запалени или урнати.
– Немаме викендички ниту во Црна Гора, ниту во Хрватска – фала му на Бога – ниту каде било на друго место – рече Вучиќ.
Тој нагласи дека би сакал истрагата да се прошири низ целиот свет бидејќи, како што рече, тогаш луѓето би виделе дека ја зборувал вистината.