Вучиќ: Бугарите негодуваат, затоа што сме попопуларни од нив во Македонија

Од:

Српскиот претседател Александар Вучиќ изјави дека Бугарите негодуваат бидејќи Србија е популарна од нив во Северна Македонија, јави дописникот на МИА од Белград.

Вучиќ гостувајќи на ТВ Пинк говорејќи за односите во регионот изјави дека мисли „оти односите со Црна Гора се нешто подобри од порано, со Унгарија и Северна Македонија најдобри во историјата и дека Бугарите ни замеруваат затоа што сме попопуларни од нив во Северна Македонија“.

-Со Албанија имаме пристојни односи колку што е можно. (Премиерот Еди) Рама не беше на неодамнешниот саем за вино, но беа албански претставници и некои од нивните вина добија награди. Нивните сорти вино се интересни, не ги сакам овие светски вина. Ги сакам сите вина на нашите браќа Македонци. И ‘Плантаже’ направи едно добро вино – изјави Вучиќ.

Вучиќ синоќа изјави дека односите со Хрватска ќе бидат подобри кога ќе сфатат дека Јасеновац е срам, а не нешто што треба да се заборави.

Тој рече дека не сака да го коментира протерувањето на хрватскиот дипломат од Србија и дека тоа е работа на надлежните органи.

-Не го ни спомнав тоа и не сакав да зборувам за тоа, бидејќи мислев дека тоа е прашање на професионален однос. На две сериозни служби како Српската и Хрватска, изјави Вучиќ.

Би можело да ве интересира

Вучиќ: На самитот во Тирана со почит се слушаше гласот на Србија

Вучиќ: Украина е пријател на Србија, не ја призна независноста на Косово

Горан Наумовски

Вучиќ за Косово: На сите во лице им кажав што нема да исполниме од Охридскиот договор

Горан Наумовски

Вучиќ ги одликува Силјан Мицевски-постхумно, Влада Урошевиќ и Никола Китановски по повод Денот на државноста на Србија

(ВИДЕО) Вучиќ: Народот мора да знае дека ќе се бориме за него

Вучиќ: Актуелната ситуација на Косово е спротивна на резолуциите на ОН