Според последните сознанија, утврдено е дека Армин Берберовиќ, кој во страшна сообраќајна несреќа на 26 мај годинава ги уби лекарите Азра Спахиќ и Алма Суљиќ, кои потоа им подлегнаа на тешките повреди, управувал возило под дејство на дрога.
Истиот ден по несреќата било утврдено дека тој имал 0,41 промили алкохол во крвта и дека возел под забрана, односно му била одземена возачката дозвола поради сторените прекршоци, пишува Аваз.
Како што се дознава, по извршената анализа било утврдено дека Берберовиќ во крвта имал и дрогата амфетамин.
Берберовиќ моментално се наоѓа во притвор, кој последен пат беше продолжен поради загриженост на јавноста.
Берберовиќ на 26 мај во 23 часот и 30 минути со автомобил во Мариндвор ја уби докторката Азра Спахиќ, а повреди две девојки.
Потоа, Алма Суљиќ им подлегна на повредите во болница.
Медицинскиот факултет во Сараево на 25 јуни организираше комеморација за трагичните жртви Азра Спахиќ и Алма Суљиќ, а на местото на нивната смрт во Мариндвор беше положено цвеќе.
Градот Сараево донесе одлука да им подигне спомен плоча на лекарите Азра Спахиќ и Алма Суљиќ кои беа убиени од Армин Берберовиќ на пешачки премин.
Спомен плоча ќе биде поставена во Мариндвор на местото на несреќата.