Војводина во 2014 година остварила девизен прилив од туризмот од 200 милиони и 670 илјади долари што е за речиси 30 отсто повеќе во однос на 2013 година, соопштија покраинските власти, јави Танјуг.
Според податоците на Републичкиот завод за статистика, во 2014 година во Војводина престојувале 370.000 туристи што е за седум отсто повеќе во однос на 2013 година.
За 11 отсто е зголемен бројот на странски и за четири отсто бројот на домашни туристи кои оствариле повеќе од 900.000 ноќевања.
Две дестинации – Нови Сад и Суботица оствариле најмногу ноќевања – што се толкува со голем број различни саемски и стопански манифестации како и фестивали.