Полицијата од албанскиот приморски град Валона, во утринските часови кај местото Перивол, во близина на познатото летувалиште Дерми, запленила голема количина марихуана.
Како што јави дописникот на МИА од Тирана запленети се 400 килограми марихуана, која била откриена при контрола на чамец подготвен да отплови во правец на италијаскиот брег. Идентитетот на притворенито не се открива во интетрес на истрагата, бидејќи полицијата се сомнева дека станува збор за меѓународна наркогрупа.
Ова е последователна успешна акција на албанската полиција, која деновиве спречи шверц на 500 килограми албанска марихуана намената за грчкиот наркопазар.
Во изминатите денови полицијата има запленето уште околу 200 килограми марихуана во неколку одделни акции. Според полициската статистика, само лани албанската полиција запленила околу 25 тони мархуана, додека од почетокот на годинава околутри тони.