Турскиот претседател Реџеп Тајип Ердоган синоќа официјално објави дека претседателските и парламентарните избори ќе се одржат на 14 мај.
Изборите се сметаат за тест за Ердоган, кој е на власт 20 години: тој беше избран за премиер во 2003 година, а претседател е од 2014 година.
Ердоган се кандидира за трет мандат, за кој опозицијата тврди дека е неуставен. За претседател првпат беше избран во 2014 година, а реизбран во 2018 година. Трета кандидатура се предвидува само доколку Парламентот изнуди предвремени избори.
Поддржувачите на Ердоган тврдат дека тој е избран во 2018 година за прв претседател во новиот претседателски систем по големите уставни измени. Според тоа, неговиот претходен мандат не се смета.
Анкетите покажуваат дека парламентарните и претседателските избори ќе бидат неизвесни и ќе бидат најголемиот тест за поддршка на Ердоган и неговата Партија на правдата и развојот (АКП) во изминатите две децении.
Владејачката АКП сè уште е најсилната турска партија и најверојатно ќе остане значајна сила во Парламентот, но анкетите покажуваат дека Ердоган имал помал рејтинг од некои потенцијални предизвикувачи.
Извор: МИА