По повод трагичната смрт на шестчлено семејство во пожар во Нови Сад, врз основа на одлуката на градоначалникот Милан Ѓуриќ, 24, 25 и 26 август се прогласени за Ден на жалост на територијата на тој град.
Во пожар во улицата „Ѓорѓа Дере“ во Нови Сад синоќа трагично загинаа шест лица, меѓу кои четири деца на возраст од две до седум години.
Според министерот за внатрешни работи Ивица Дачиќ, пожарот го изгаснале девет пожарникари со две возила од новосадската Агенција за вонредни состојби, а полицијата и јавниот обвинител извршиле увид на местото на настанот.