Не е исклучено во терористичкиот напад врз канцеларијата на владејачката партија Нова демократија во Атина да учествувала и жена, објави денеска весникот „Имерисија“.
Весникот повикувајќи се на полициски податоци тврди дека двајцата сведоци од атинскиот кварт Фалиро, каде што беше пронајден изгорениот автомобил, со кој напаѓачите побегнале, спомнале три лица – два мажи и една жена. Едниот од сведоците тврди дека жената го возела автомобилот.
За нападот врз канцеларијата на Нова демократија во Атина се уште никој не презел одговорност.