Косовската полиција го уапси денеска Срѓан Стојановиќ од Косовска Митровица, во чиј стан е пронајдена рачна бомба М-75 и 50 куршуми со калибар 7,62 милиметри.
Полицијата изврши претрес во станбениот објект на семејството Стојановиќ, кое живее во приземјето на куќа во која синоќа се случи експлозија и беа ранети две деца.
За време на претресот е пронајдено оружјето и муницијата, меѓу кои и рачната бомба, слична на онаа која експлодирала синоќа во станот на семејството Вучетиќ, кога се повредени двете деца, изјави регионалниот портпарол на косовската полиција Бесим Хоти.
Полицијата поради тоа го уапсила Стојановиќ, кому му е одреден притвор од 48 часа, додаде Хоти, јави Танјуг.