Грчките власти започнале проверки на сите банкарски депозити, кои надминуваат 100.000 евра, пишува весникот „То Вима“.
Се очекува да бидат проверени над 1,2 милиони банкарски сметки, отворени пред и за време на кризата од 2000 година до 2012 година.
Во подоцнежната етапа под лупа ќе бидат ставени и влогови од над 300.000 евра.
Грчката централна банка смета, дека околу 43 милијарди евра се негарантираните влогови од над 100.000 евра, кои ќе бидат проверени.
Првите проверки покажале фрапирачки случаи со банкарски влогови.
Властите откриле градежен извршител со банкарска сметка од 280 милиони евра, додека пријавениот приход од него бил 72.000 евра.