Властите во Бугарија, по критиките на ЕУ, поради досегашниот пристап на корупцијата во државата, соопштија дека ќе формираат тело кое ќе ги истражува случаите на корупција помеѓу највисоките официјални лица.
Како што пренесе „Франс прес“, новото тело ќе ги разгледува пријавите на приходи и имот како и евентуалните судири на интереси за околу 6.000 официјални лица и дека ќе бидат разгледани и кривични дела, кои ги извршиле поранешни официјални лица, соопштила заменичката на премиерот Меглена Кунева.
Според проценките на софискиот Центар за демократски студии во 2014 година, корупцијата била најзастапена во последните 15 години. Податоците покажуваат дека минатата година имало 158.000 случаи на давање мито месечно, пренесе „Франс прес“.
Е.Г.