Во сараевската населба Илиџа започна изградба на државен затвор со капацитет за 300 затвореници и 50 места за притвор, кој ќе претставува најсовремена казнено-поправна институција во балканскиот регион.
Со изграбата на оваа установа, властите во БиХ очекуваат да биде намалена пребукираноста во затворите и да биде прекината праксата лица осудени на затворска казна слободно да шетаат по улица затоа што нема места во затворските институции.
Изграбата и опремувањето на затворот ќе чини речиси 40 милиони евра.
Според заменик-министерот за правда на БиХ Срѓан Радуљ, оваа затворска установа ќе ги задоволува највисоките европски стандарди во оваа област.
Радуљ изјави дека Министарството за правда цело време издвојува многу пари за да ги смести затворениците во други затвори, така што долгорочно гледано изградбата на овој затвор ќе има значаен финансиски ефект.