Според најновите расположиви податоци, Босна и Херцеговина бележи најголемо зголемување на бројот на случаи на коронавирус во регионот, со 340 новозаразени во таа земја.
Според Фена, во ентитетот Федерација БиХ, за 24 часа биле тестирани 1.601 примероци, од кои 234 биле позитивни. Во ентитетот Република Српска, тестирани се 471 примероци во истиот период, а коронавирусот е потврден кај 106 лица, додека се пријавени седум смртни случаи, објави Институтот за јавно здравје на Република Српска.
Според најновите податоци, во Хрватска има 255 нови случаи, односно активни се 1689 случаи. Во изминатото деноноќие во Албанија беа потврдени 158 нови случаи. Во Црна Гора, при последниот пресек, беше информирано за 42 нови случаи од 570 теста. Во Словенија биле спроведени 1.168 тестирања, од кои позитивни биле 43.