Високиот комесар на ОН за бегалци Антонио Гутериш, кој е во посета на Грција и за време на викендот го посети островот Лезбос, кој е една од главните точки за влез на мигрантите од Турција, денеска ќе има средба со грчкиот премиер Алексис Ципрас.
– Европа треба да ја зголеми хуманитарната помош која ја обезбедува за Сирија и соседните земји, како Јордан, Турција, Ирак, кои примаат голем број бегалци, рече Гутериш при посетата на островот Лезбос.
Тој истакна дека ЕУ треба да покаже солидарност и со Грција.
– Унијата мора помогне при постапките за азил, а и овие луѓе да бидат распределени на фер начин во сите земји членки, изјави високиот комесар на ОН за бегалци.
Лезбос е мал остров, кој прифатил од почетокот на годината над 250 илјади бегалци и мигранти.