Високата функционерка на Сојузот на курдските општини, политичко крило на Курдската работничка партија (ПКК), Сара Акташ е приведена доцна синоќа во Истанбул, јавија турски медиуми.
Според медиумите се смета дека Акташ е одговорна за координација на терористичките активности во цела Турција.
Таа е приведена од силите за безбедност на аеродромот Ататурк, пред да си замине од земјата со фалсификуван пасош, пиува „Дејли Сабах“.
ПКК, која САД и ЕУ ја сметаат за теористичка организација, ја обнови во јули минатата година 30-годишната вооружена кампања против турската држава. Над 600 припадници на силите за безбедност – војници, полицајци и локални чувари, како и над седум илјади припадници на ПКК се убиени оттогаш во операциите во Турција и во северен Ирак.