Претседателот на Србија Александар Вучиќ се обрати пред медиумите по обраќањето на седницата на Советот за безбедност на ОН.
– Ја видовте нашата аргументација, нашите одговори – одговорни и сериозни. Ја видовте аргументацијата заснована на лична омраза, на лаги за Сандуловиќ и разни други глупости, рече Вучиќ.
Тој посочува дека Британија и Швајцарија биле најстроги кон Србија.
„Ми се чини дека можевме да зборуваме со факти за тоа што се случува на Косово. Ова нема да ги реши проблемите, но народот мора да знае дека ќе се бориме за нив, рече Вучиќ.
Тој вели дека Србија се борела во Њујорк, а не тој.
„Имав само еден час да го облечам костумот. Се подготвував за настапот во авионот. Ова е една мала, но значајна победа за Србија“, рече Вучиќ.
Вучиќ рече дека е можно продолжување на дијалогот, доколку се формира Заедница на српски општини, на што се чека 11 години.