Најмалку 28 ученици на основни и средни училишта во Пеќ се повредени по уривањето на дел од ѕид на влезот на спортската сала Карагач, соопшти косовската полиција.
Според информациите на Регионалната болница во Пеќ, седум ученици претрпеле сериозни повреди, но се надвор од животна опасност.
Директорот на болницата Скендер Дрешај потврди дека состојбата на учениците е стабилна, додека едно тешко повредено лице е префрлено во клиниката во Приштина.
Учениците оделе на хуманитарен концерт за нивни соученик, кој боледувал од леукемија.