Срби од околината на Добој, добија хуманитарна помош од радикални исламисти од Зеничко-добојскиот кантон, а тоа го потврдува и снимката која што е поставена на „Јутјуб“.
Десет припадници на оваа група посетиле пет семејства и им донеле пакети со храна, вода и лекови.
Иако вехабиските заедници често ги споменуваат по лоши работи, тие на жителите во околина на Добој на кои поплавите им уништија речиси се, им доставија помош со што предизвикаа изненадување кај луѓето.
Иако се изненадани, луѓето се благодарни на овој потег, пишуваат „Наше новине“.
-Останавме без ништо. До сега никој не не посети, вие сте први кои ни донесовте помош-вели Милена Милошиќ од село Осојница.
И нејзината соседка исто така вели дека трагедијата ги остави без храна и вода и дека им е неопходна помош.
Е. Г.