Сите три моста во Нови Сад денеска беа блокирани за сообраќај. По тричасовна блокада, сообраќајот повторно се одвива на мостот Варадин и Жежељ, додека Мостот Слобода ќе остане блокиран до утре до 15 часот.
Организатори на блокадите се студентите, кои на овој начин, како и со оддавање почит планирани за вечерва, одбележаа три месеци од несреќата на Железничката станица во Нови Сад во која загинаа 15 лица.
На студентите им се приклучија бројни граѓани, не само од Нови Сад туку и од другите градови. Поради бројноста на присутните, не беше можно да застанат на мостот Слобода, па планот и програмата мораше да бидат поместени на локација во близина на мостот.
Во текот на ноќта е планирана програма која почна во 19 часот.
– Денеска стоиме овде заедно, обединети и одлучни во вербата дека можеме да ја промениме состојбата во нашата земја. Ви благодариме што дојдовте и покажавте дека не се плашите да застанете со нас, со нашиот град и нашата иднина. Овде не сме од каприц, тука сме затоа што не сакаме да се откажеме и затоа што веруваме во правдата. Ви благодариме на сите што бевте тука, што бевте со нас, што бевте дел од оваа борба, што заедно ја пишувате историјата. „Никогаш повеќе не молчиме никого“, рече студентка која се обрати на почетокот на програмата.