48-годишен маж загина во тешка сообраќајна несреќа што ноќеска се случила во Србија. Неговата ќерка која го возела автомобилот е во кома јавуваат српските медиуми.
Како што пренесува „Блиц“, таткото бил совозач, а и дозволил на ќерката која немала положено возачки испит да го вози автомобилот кога се враќале од свадба.
18-годишната девојка која возела без дозвола и излетала од патот, била примена во Клиничкиот центар во Белград со повреди на главата и градниот кош, пренесува „Блиц“.
„Поради повреда на главата е префрлена во Белград. Таа има и повреда на градниот кош, велат извори од болницата за Блиц.
Несреќата се случила на патот Богатиќ – Црна Бара кога од засега неутврдени причини автомобилот излетал од патот и удрил во дрво во кривина. Мажот починал на лице место.
Обвинителството нареди обдукција.