Претседателката на српското Собрание Ана Брнабиќ изјави дека во денешните немири во парламентот се повредени три пратенички, меѓу кои и една која доживеала мозочен удар.
„Пратеничката Јасмина Обрадовиќ доживеа мозочен удар кога пратениците од опозицијата фрлија врз неа шок-бомба. Нејзиниот живот е во опасност“, рече таа.
Таа моментално е во болница, а Вучиќ веднаш се упати таму, се фотографираше со пратеничката и ја објави сликата.
Evo kako je i ko je povredio Jasminu Obradović. pic.twitter.com/jBe91l6xDA
— Saša Popović (@SasaPopovich) March 4, 2025
На социјалните мрежи беше објавено видео од моментот кога, очигледно, шише удира пратеничка во главата.
Засега не се знае кој точно погодил, но според распоредот на седиштата може да се претпостави дека ја погодил некој нејзин колега од СНС.
Димни бомби, тепачки и општо хаос го означија почетокот на пролетната седница на српскиот парламент.
По почетниот хаос кога беа фрлани чадни бомби, јајца и шишиња, ситуацијата во парламентот во меѓувреме донекаде се смири.