Жител на Варна се самозапали изутринава пред општинската зграда. Тој веднаш е пренесен во болница со околу 80 проценти изгореници на телото во критична состојба.
Сеуште не е позната причината за ваквиот чин, а очевидец за бугарските медиуми објаснува дека на човекот на возраст меѓу 30 и 35 години на помош му притрчале полицијата и минувачите. До него останал транспарентот за оставка на градоначалникот Кирил Јорданов, и целата општинска управа.
По првичните информации тој врз себе истурил 4 литри бензин, а само пред два дена во Бугарија се самозапали уште еден маж поради крајната сиромаштија.