Делумното пребројување на гласовите на локалните избори во Турција вечерва покажа дека опозицијата во Истанбул и Анкара имаат поволни перспективи, објавија официјалните медиуми, и покрај тоа што претседателот Реџеп Таип Ердоган е вклучен во кампањата на неговата партија АКП.
Seçim sonuçlarına ilişkin yayın yasağı kalktı.
Mahalli İdareler Genel Seçimleri'ne dair ilk sonuçlar Türkiye’nin seçim ekranı @trthaber’de değerlendiriliyor. https://t.co/OtchVKUkhX
— TRT Haber Canlı (@trthabercanli) March 31, 2024
Од 33 отсто преброени гласови, градоначалникот на Истанбул, Екрем Имамоглу, доби 49,7 отсто од гласовите, додека неговиот главен противник од владејачката партија АКП доби 41,5 отсто. А во Анкара, опозицискиот градоначалник Мансур Јавас доби 56,3 отсто од гласовите, а неговиот противкандидат 36,3 отсто и тој веќе прогласи победа.
Ердоган, е на власт повеќе од две децении, беше ангажиран во кампањата, особено во Истанбул, економскиот и културниот центар на земјата, чиј градоначалник беше во 1990-тите. Но, според првите резултати тоа не и помогна на неговата партија.
Во останатиот дел од земјата, кандидатите на АКП водат во трката како што се очекуваше во неколку големи градови во Анадолија и Црното Море, кои се упоришта на претседателот Ердоган. Прокурдската партија ДЕМ најверојатно ќе победи во поголемите градови во југоисточниот дел со мнозинско курдско население, вклучувајќи го и Дијарбекир.