Вечерва во Истанбул во квартот Фатих изгореа три автомобили. Според првите информации нема загинати и повредени, а нема ниту информации дали се работи за поставена бомба.
Пожарот е изгаснат со брза интервенција на истанбулските пожарникари. Локалната новинска агенција DHA јавува дека автомобилот ненадејно се запалил, по што се слушнале звуци на експлозија. Најверојатно се работи за механички дефект или нешто друго, велат од таа агенција.
A car has exploded in Istanbul’s Fatih tonight. No initial reports of casualties pic.twitter.com/Bf8EJXMPv0
— Ragıp Soylu (@ragipsoylu) November 15, 2022
За потсетување, осум лица загинаа, а повеќе од 80 беа ранети во неделата во експлозија на авенијата Истиклал, популарна туристичка дестинација со бројни продавници и ресторани, во близина на плоштадот Таксим во Истанбул. Едно лице е уапсено, осомничено дека поставило бомба.