Полицијата на Република Српска синоќа уби мигрант недалеку од Невесиње, во источна Херцеговина, кој со огнено оружје пукаше кон полициските сили и локалните жители.
Полициската управа Требиње соопшти дека околу 23 часот убиле мигрант во напуштена куќа каде што се забарикадирал. Полицијата во попладневните часови се обидела да го приведе откако поради кражба се степал со маж во Невесиње.
Кога дошле пред куќата во која нелегално престојувал неколку дена, мигрантот отворил оган кон полицајците со два вида огнено оружје и фрлил бомба.
Никој од полицајците не е повреден. Мигрантот бил убиен откако повеќе пати одбил да се предаде.