Хрватската министерка за регионален развој и ЕУ фондови, Габриела Жалац, која немаше возачка дозвола во моментот кога со своето возило удри во дете, понуди оставка.
Таа со плачење изјави дека поднесува оставка, и дека нејзината возачка дозвола истекла во јуни 2016 година, но таа вели не забележала и не знаела за тоа.
„До премиерот в саботата поднесов оставка. Возев можеби 30, 40 на час. Јас сум во состојба на шок. И најважно од се сега ми е што детето е во добра состојба“, додаде министерката.
Сега се очекува со изјава да излезе и хрватскиот премиер, Андреј Пленковиќ, кој ќе треба да каже дали ја прифаќа или не оставката на министерката Жалац.